چیئرمین نیب کی توسیع کے کالے آرڈیننس کو منسوخ کیا جائے۔ کمیونسٹ پارٹی کا مطالبہ

انجنیئر جمیل نے کہ وہ جو کہتا تھا کہ این آراو نہیں دوں گا، اس نے بالآخر این آر او دے دیا۔ نہ صرف اپنے آپ کو، اپنے رفقا کو بلکہ اپنی سب سے بڑی حریف جماعت مسلم لیگ ن کو بھی۔

دلچسپ بات یہ ہے کہ اس نئے اور کالے آرڈینینس کے نتیجے میں شاہد خاقان عباسی، مفتاح اسماعیل اور احسن اقبال جیسی کئی شخصیات کے کیس بھی ختم ہو جائیں گے۔

عمران خان کے اس این آر او کی سب سے زیادہ اہم بات یہ ہے کہ پی ٹی آئی حکومت کے گندم اور چینی جیسے شرمناک اسکینڈلز پر اب کوئی پوچھ گچھ نہیں ہوسکے گی۔ واضح رہے کہ یہ کیسز مستقبل میں پی ٹی آئی حکومت کے لیے گلے کی ہڈی بن سکتے تھے۔ شاہد خاقان عباسی، مفتاح اسماعیل اور احسن اقبال ایسے ہی کیسوں کے نتیجے میں جیل کی ہوا کھاچکے ہیں اور آج بھی وہ کیس بھگت رہے ہیں۔